Студенттер үчүн жайкы жумуш жана саякат программасы

21-февраль күнү  Борбордук Азияны изилдөө борбору (ORASAM) жана КТМУнун Эл аралык мамилелер клубу тарабынан  студенттерге АКШда «Жайкы жумуш жана саякат» программасы тууралуу маалымат берилди.
Жолугушууда АКШнын Кыргызстандагы элчилигинин консулу Роберт Грассо студенттерге жайкы жумуш жана саякат программасынын алкагында жогорку окуу жайында билим алып жаткан студенттер жайкы тыныгуу учурунда АКШда иштөөгө жана саякат кылууга мүмкүнчүлүк аларын, программада ийгиликтүү катышуу үчүн англис тилин билүү жана бардык студенттер АКШда жүргөндө өз укуктары тууралуу билиши керектиги тууралуу кененирээк айтып берди.