Жетим балдарга белектер тартууланды

2016-жылдын 15-ноябрында Гуманитардык факультетке караштуу Синхрондук котормо бөлүмүнүн мугалимдер жамааты жана студенттери тарабынан өткөрүлгөн кайрымдуулук жарманкеден 44 (кырк төрт) миӊ сом, андан тышкары студент жана мугалимдер көӊүлдөн кошумча акча чогултуу менен 50 (элүү) миӊ сом топтолду.

Бул чогулган акча Чүй облусунун Ысык-Ата районуна караштуу Красная речка айлындагы жетим балдар мектеп-интернаты (120 бала) жана Кирг.шелк айлындагы «Келечек» балдар үйүнө (30 бала) жардам берүү максатында чогултулду.

Балдар үйлөрүнүн мүдүрлөрү менен байланыш түзүлүп, балдардын тизмеси алдын-ала алынып, аларга акчалай эмес, материалдык жактан көмөк көрсөтүү пландаштырылган.

2016-жылдын 20-декабрында жогоруда аты аталган эки балдар үйүнө студенттер тарабынан даярдалган жаӊы жылдык шаӊдуу концерттик программа даярдалып, ар бир балага өзүнчө оюнчк, кийим-кече, белек-бечкектер салынган атайын кутучалар тартууланды.

Бул уюштуруу ишинин башында Лейла Бабатүрк болуп, Бөлүмүбүздүн мугалимдери жана сүйүктүү студенттери тарабынан уюштурулган иш-чара бир аз да болсо жетим балдардын жүзүнө жылмайу тартуулап, жакшы мааанайда оттү деген ойдобуз.