Кыргыз-Түрк «Манас» университетинин ректору, профессор Себахаттин Балжы «Эркин-Тоо» гезитинин окурмандары менен түз байланышка чыкты.

2016-жылдын 12-февраль күнү саат 10:00дѳн 11:00гѳ чейин гезиттин редакциясында окурмандар менен түз байланышка чыккан университетибиздин ректору, профессор Себахаттин Балжы, окуу жайыбыз тууралуу кыргыз тилинде маалымат берди. Ректорубуздун берилген суроолорго так кыргыз тилинде жооп бергени окурмандарды абдан кубантты.

Себахаттин Балжы түз байланыш менен берилген суроолорго жооп берүү менен катар эле, «Эркин-Тоо» гезитинин журналисти жана аталган гезиттин укуктук бѳлүмүнүн жетекчиси Сымбат Максутованын  түрк маданиятына, орток баалуулуктарга жана тил маселелерине багытталган суроолоруна да жооп берди.  

Ошону менен бирге эле, профессор Себахаттин Балжы «Эркин-Тоо» гезитинин башкы редактору Рыспаев Курманбек Абдымаметовчи менен да жолугушту.

Радио-телевидение мүдүрлүгү

ММК жана Коомчулук менен байланышуу бюросу